تعآلوا ابيــكم بسآلــــفــه..!

السلام عليكم ورحمة الله وبركاته

اسمحوا لي اتحدث معكم بأكثر وضوح والمعذرة على استخدام اللهجه العامية

علاقتي بالنت مجرد منتديات فقط ولكني وجدت ان مصائبه كثيرة لذلك شفقة على حال من أساء استخدامه أطرح هذا القضية لمناقشتها معااا


بصراحه شفت اشياء كثيره بالنت واكتشفت اشياء اكثر وياليتني بتلت جاهله ولاادري عن شئ

صار الحب منتشر والخيانه والخدع والكذب..استدراج البنات عيني عينك..

يقولون الحب اعمى...لأوالله موب اعمى الا يشوف ويميز بعد وبعدين الحب صار تحت اطارين

(حب تحت اطار المصلحه)
&
(حب تحت اطار الخيانه)

بالله عليكم مصدقين ان فيه شئ اسمه حب..عادي ترا نعرف نقول:

ياقلبي!!

ياروحي..

يابعد دنيتي..؟

انا مخلوق علشانك...

انا بدونك ولاشئ!!

اصلن انتي مخلوقه علشاني انا وبس

بدونك حياتي مالها طعم..

انا عايش علشان القاك..

احبك..

والله الكل يقدر يقولها بس وربي ماعندك احد يابنات لاتصدقون الى يقولون هالكلام تراها والله بالأفلام وبس
والمسلسلات والأفلام الهنديه والروايات المتحرره..ولاغيرها مافيه..

مـأنكر وجود الحب..

لكني انكره بعالم الانترنت بعالم الشات والمسن والالعاب..وحتى الى يتزوجون عن طريق النت



او الجوال والله كل الى اعرفهم عمر زواجهم3 او4سنين..

يعني بالله عليك فيه احد بيحبك علشان كتابه..او بتحبك علشان كتابتك

بيكون يـإما/

إعجاب..بطريقة تفكيره او تفكيرها..

او

فضوليه لمعرفة ماخلف الشاشه..


ولاحب وربي كذب بكذب ...الحب مايجي الا بعد الزواج والعشره..ومو كل الأزواج

يعني بالله عمرك شفت ابوك يقول لأمك احبك ولاالافيو ولاجيتيم

لأ لاتقولون الحب بالمعامله ..ولاتلبية الطلبيات...هاذي اشياء اجباريه على الزوجين..

<<يمكن اكون اخطيت وانا مو ملاك ماخطي


مقدره وادري ان العاشقه المتيمه تنعمى عن اخطأ محبوبها..وتشوفه انه غير كل الناس
بس بالحقيقه تراه والله يابزر يجرب فيك الحب..ولا من حثالة المجتمع..


المشكله على كثر مانسمع قصص ...انبلهو البنات..والشباب تمادو..مايدرون ان الدور بكره جايهم..



بقولكم عن قصة حب...



تجـــارب حب شفتها..وياليتني ماشفتها



ممم جيت من المدرسه كنت بصف ثاني متوسط ابوي هو الى جابني ومعه واحد من قرباتي..
وماكنت ادري وش يقول لأبوي..
اتذكر نزل ابوي للبقاله يجيب لبن<<ماحد سألك
قالي هالرجال اماني اماني...استغربت وخفت ..هلأ..

قالي..:.خلاص معي موافقه جبتها بسفر زوجتي للخارج تتعالج..وترجع لي..؟
انقبض قلبي مسكين ياهو يعاني تارك دوامه واخذ اجازه مرافق عند زوجته رافض ان الكل يرافقها حتى امها.
ونعم الزوج...رجعت للبيت نمت والعصر قمت واسمع امي تبكي...شفيك؟؟ بنت عمتي توفت...(زوجة الى فوق))
آآآه يعني ماتوفت الا يوم جاب الموافقه الله يرحمها والله يعوضه بالجنه..

ولاالقصه الثانيه..

ذي وحده من زميلات..صديقتي..متعرفه على واحد وحب وعشق..اخذت تكلمه7سنين..
بعدها خطبها وطلب يسكن عند اهل زوجته<<شوفو البجاحه..
وبعد ماجابو بنت تطلقو لأنه يشك فيها شك موب طبيعي..وحتى هي..

الباب الى يجيك منه ريح...سده واستريح...بلاتعارف بلاهم..الى تنجذبين له..انسحبي من الموقع كله..
وكرري (ياحي ياقيوم برحمتك استغيث اصلح لي شأني كله ولاتكلني الى نفسي طرفة عين)
ياشباب...


اعتبروها امنيه مني لكم...وربي حرام تتلاعبون بمشاعر الى قدامكم لو هي بايعه روحها...
تدرون ماراح تبيع روحها الا لأن لها ماضي...؟لاتستغلون العواطف علشان شئ بالنفس؟

البنات الى اخذتو صورهم وتستفزونهم اذا بيتركونكم...ترا بيجي يوم احد يستفزك او يستفز خواتك..لو حتى ماتنشر
بيجي يوم ربي يحرمك النوم...؟لأنك حاولت تغير التوبه لمعصيه..؟
يالي تروح لخواتك وتمنعهم يدخلون النت او يرحون للأسواق وتسوي نفسك الملاك الطاهر..ترا خواتك يدرون عن سوالفك وبلاويك بس احمد ربك ان مالهم لسان <<مثل بعض الناسات



بنات...

تكفون اتركو هبالكم شوي...العوض بالجنه خلو تفكيركم اكبر من حب النت...ولاحب غيره..

ترا حتى الحب من اول نظره كذب...<<<مايمشى هالمثل الا على خارقة الجمال وهو بعد..

بتلعبين العبي وانبسطي بس انتبهي لنفسك...


ايوه نرجع لمحور حديثنا وهو النت وتجرئته للبنات

ساعات اكتب ردود ولاحتى اقراها بس الى يجنني انها تنفهم على طريقة تفكير الى قدامي<< ما اقصد بها احد معين


مابي اطول اكثر من كذا بس كان ودي اكتب كم كلمة وبص..



والله يابنات اني اشفق عليكم متعبين روحكم ورى اشياء خياليه وزايفه انتي اجلسي مع نفسك واسئليها صدقيني بتقوووول لك لا انتي على غلط والطريق هذا خطأ واما انتم ياشباب ترى والله وراكم جنه ونار والحظيظ من اختار مصيرة من الان وسعى له

ونصيحتي للي وقعت بهذي العلاقات انتبهي لروحك واعلمي انك مازلتي معك الفرصة تغيرين مسارك الى الطريق الصح فبادري اليه قبل ان يأتي ملك الموت وانتي على هذه الحالة

واعلموا ان من صبر ان الجنه هي جزاؤهم

وبالنهايه اقول تراي ماحس انكم الا spleak خلف يوزر نيم عربي..اكلمه ويرد على...ولكن بحدود المنتديات فقط...

الفرق بين حب اول وحب اللحين...بما ان عصرنا عصر السرعه سريع سريع يجي وسريع سريع يروح


تســآؤلات:

ابي اعرف شرايكم بالحب عامةً وبالنت خاصةً؟؟

الفرق بين حب اول وحب اللحين...بنظرك؟ابي اعرف حسب خبرتكم الفيسلوجيه؟؟

تجارب النت معك من البدايه؟؟وهل جرآتك يآنسه؟؟

وآخيرا ما رأيكم بهذا الموضوع أدري طولت عليكم واسمحوا لي استخدام اللهجة العامية وشكرا



تقبلوو اجمل تحياتي واسفه على الصراحه الزايده